Monthly Archives: ಅಕ್ಟೋಬರ್ 2010

ಖಾಲಿ ಪುಟದ ಮೇಲೆ ಅಕ್ಷರಗಳಿರದ ಶಬ್ಧ.!


ಬಿಳಿಹಾಳೆಯು ಬರಿದಾಗಿದೆ ಪದವೊಂದು ಬಾರದೆ
ಬಳಿಬಂದಿಹ ತಂಗಾಳಿಯು ದೂರಸರಿದಿದೆ ಮೆಲ್ಲನೆ..!
ಆ ತೀರದಿ ಅಲೆ ಅಬ್ಬರಿಸಲು ಅನುಮಾನ ಮಾಡಿದೆ
ತರಣಿ ನಭವ ಕೀಳುವಂತೆ ಸುಮ್ಮನೆ ಜಾರಿದೆ
ನೀ ಬಾರದೇ, ನೀ ನೋಡದೆ
ಪದವೇ ನೀ ಬಾರೆಯ
ಬರಿದಾದ ಈ ಪುಟವ ತುಂಬಲಾರೆಯ.?

ಕಣ್ಣಂಚಲು ಸುಳಿವಿರಿಸದೆ ನೀ ಸುಳಿಯದಾದೆ
ಮನದಲ್ಲೆಲ್ಲು ತಳವೂರದೆ ನನ್ನ ಕವನ ಕಾಣೆಯಾಗಿದೆ
ನೀ ಬಾರದೆ ನೀ ನೋಡದೆ
ಪದವೇ ನೀ ಬಾರೆಯಾ
ಬರಿದಾದ ಈ ಪುಟವ ತುಂಬಲಾರೆಯ.?

ಅರಿವು ಇರದ ಅಭಿಪ್ರಾಯ ಅವತರಿಸಿ ಮರೆಯಾದಂತೆ
ಅನುವು ಮಾಡುವ ಭಾವ ಕಣ್ಸೋಕಿ ಅವಿತಿದೆ.
ನಾ ಸುಮ್ಮನೆ ಕುಳಿತು ಇಹದಾಚೆ ನಿನ್ನ ಹುಡುಕಿದಂತೆ..
ಮಿತಿಮೀರಿದ ಎಲ್ಲ ಕಲ್ಪನೆಗೂ ಕೊನೆ ಹಾಡುವಂತೆ ನೀ ಬಾ ಪದವೇ..

—- ರಾಘವೇಂದ್ರ ಹೆಗಡೆ

ಅನಂತ ತಾನ್…… ಅನಂತದೆಡೆಗೆ


ದೂರದೂರಕೆ ನೋಟ ನೆಟ್ಟು
ಹೊಗೆವ ಕತ್ತಲ ಸೆರೆಹಿಡಿದು ಸುಟ್ಟು
ಛಾಪೊತ್ತಿಬಿಡು ಆ ನಿನ್ನ ಛಾಯೆ..
" Light "

ಮಾರ್ಗಕೆಲ್ಲ ಒಂದಷ್ಟು ಗತಿಯ
ನೇಯ್ಗೆ ಹೊದ್ದು ಹಾಸುತ
ಇರುಳಿಗೆ ಮತ್ತು ಇರುಳಂತೆ ನೆಸೆವುದಕೆ,
ಮುಸುಕಿ ಹರಿಯುತ ಸಾಗಲಿ
ಚೈತನ್ಯ ತರಂಗಗಳು
. . . . . . . . . . .
ಆ ನಿನ್ನಪ್ರಭೆಯ ಸಂಜ್ಞೆ
ಪಸರಲಿ ವಿವೇಚನೆಯ ಬಿತ್ತರಿಸಿ.,
ಮುಖವಾಡಗಳ ಕೃತಕತೆಯ ಧಿಕ್ಕರಿಸಿ..

– – – – – – – – – – – – –

— ರಾಘವೇಂದ್ರ ಹೆಗಡೆ