ಸಾರಿಗೆ ಸಂಸ್ಥೆಗಳ ಲೆಕ್ಕಾಚಾರದ ಆಟ, ಊರು ತಲುಪುವ ಧಾವಂತದಲ್ಲಿ ಪ್ರಯಾಣಿಕರ ಪರದಾಟ..!

ನಾಳೆಯಿಂದ ಮೂರು ದಿನಗಳ ಕಾಲ ದೀಪಾವಳಿ. ಬಹುತೇಕ ಎಲ್ಲ ವರ್ಗಗಳ ಜನರೂ ಬಹಳ ಅದ್ದೂರಿಯಿಂದ ಆಚರಿಸುವ ಹಬ್ಬ.
ಸಾಮನ್ಯವಾಗಿ ಹಬ್ಬಕ್ಕೆ ಎರಡು ದಿನ ಮಾತ್ರ ರಜೆ ಇರುತ್ತದೆ. ಆದರೆ ಈ ಬಾರಿ ಆ ರಜೆಗಳ ಜೊತೆಗೇ ವಾರಂತ್ಯದ ಖಾಯಂ ರಜೆಯೂ ಅಂಟಿಕೊಂಡಿರುವುದರಿಂದ ನಗರ, ಮಹಾನಗರ ಸೇರಿದ ಬಹುತೇಕ ಎಲ್ಲರೂ ಊರಿಗೆ ಹೋಗಲು ಸಹಜವಾಗಿ ಹಾತೊರೆಯುತ್ತಾರೆ.

ಬೆಂಗಳೂರು ಸೇರಿರುವ ನಾಡಿನ ಮೂಲೆಮೂಲೆಗಳ ಜನರಲ್ಲಿ ಬಹುತೇಕರು ಈಗಾಗಲೇ ಕಷ್ಟಪಟ್ಟು ಬಸ್ಸೊಂದ ಹಿಡಿದು ಸೀಟಿಗಾಗಿ ತಡಕಾಡುತ್ತಿದ್ದಾರೆ, ಮತ್ತೆ ಕೆಲವರು ಮುಂದಿನ ಬಸ್ಸು ಖಾಲಿ ಬರಬಹುದೆಂಬ ಹಿಡಿ ವಿಶ್ವಾಸವ ಹಿಡಿದು ಮಸುಕಾದ ಬೋರ್ಡುಗಳತ್ತ ದೂರದೂರಕೆ ನೋಟ ನೆಟ್ಟಿದ್ದಾರೆ.!
ಮೆಜೆಸ್ಟಿಕ್ ನಲ್ಲಿರುವ ಕೆ.ಎಸ್.ಆರ್.ಟಿ.ಸಿ. ಬಸ್ ನಿಲ್ದಾಣವಂತೂ ಜನಜಾತ್ರೆಯಾಗಿಹೋಗಿದೆ. ಪಾವಗಡ, ಕುಣಿಗಲ್, ಬೆಳಗಾವಿ, ತುಮಕೂರು, ಬೀದರ್, ಚಿಕ್ಕೋಡಿ, ಬಿಜಾಪುರ, ಮಧುಗಿರಿ, ಬಳ್ಳಾರಿ, ಶಿವಮೊಗ್ಗ, ಸಾಗರ, ದಾವಣಗೆರೆ, ಗುಲ್ಬರ್ಗ, ಧಾರವಾಡ, ಶಿರಸಿ,ಕುಮಟಾ, ಕಾರವಾರ, ಚಿಕ್ಕಮಗಳೂರು, ಮಂಗಳೂರು………. ಹೀಗೆ ನಾಡಿನ ವಿವಿಧೆಡೆ ಸಾಗುವ ಎನ್.ಇ.ಕೆ.ಆರ್.ಟಿ.ಸಿ, ಎನ್.ಡ್ಬ್ಲೂ.ಕೆ.ಆರ್.ಟಿ.ಸಿ.,., ಕೆ.ಎಸ್.ಆರ್.ಟಿ.ಸಿ. ಬಸ್ಸುಗಳು, ಸಕ್ಕರೆ ಇರುವೆಗಳಿಂದ ಮುತ್ತಿಕೊಂಡಂತೆ ಜನರಿಂದ ಮುತ್ತಿಕೊಳ್ಳುತ್ತಿವೆ.!
ಅದು ಬೇಕಿದ್ದರೆ ಸೀಟು ಹರಿದ ಬಸ್ಸಾಗಿರಲಿ, ಬದಿಯ ಕಿಟಕಿಯ ಗಾಜು ಒಡೆದದ್ದಾಗಿರಲಿ, ಸಂಜೆಯ ತುಂತುರು ಮಳೆಗೆ ಬಸ್ಸಿನ ನಟ್ಟು ಬೋಲ್ಟುಗಳಿಂದ ನೀರು ಕರ್ರ್ರ್ ನೆ ಇಳಿಯುತ್ತಿರಲಿ.! ಅವುಗಳೆಲ್ಲ ಇಂದಿನ ಮಟ್ಟಿಗೆ ಲೆಕ್ಕದಿಂದ ಹೊರಕ್ಕೆ..! ಬಸ್ಸು ಹೇಗೇ ಇರಲಿ ಆದರೆ ಮುಂದುಗಡೆ ನಮ್ಮೂರ ಬೋರ್ಡೆ ಬರೆದಿರಲಿ ಎಂಬುದೇ ಕತ್ತು ವಾಲಿಸಿ, ಬ್ಯಾಗು ತೂಗಿಸಿ ಕಾತರಿಸಿರುವ ಪ್ರಯಾಣಿಕರ ಆಶಯವಾಗಿದೆ.!

ಇನ್ನು ನವರಂಗ್ ದಲ್ಲಿ ರಸ್ತೆ ಬದಿ ಬಸ್ಸಿಗಾಗಿ ಕಾದು ನಿಂತಿರುವ ಪ್ರಯಾಣಿಕರ ಪಾಡನ್ನು ಪ್ರತ್ಯೇಕವಾಗಿ ಹೇಳಬೇಕಿಲ್ಲ..!

ಹಬ್ಬ ಬಂತೆಂದರೆ ಸಾರಿಗೆ ಸಂಸ್ಥೆಗಳಿಗೂ ಹಬ್ಬವೆ. ಸಾಮಾನ್ಯ ದಿನಗಳಲ್ಲಿ ೩೫೦ ರೂ ಇರುವ ಟಿಕೆಟ್ ಬೆಲೆ ಹಬ್ಬಕ್ಕೆ ೩-೪ ದಿನ ಮುಂಚಿತದಿಂದ ಹಿಡಿದು ಹಬ್ಬ ಮುಗಿದು ೩-೪ ದಿನಗಳ ವರೆಗೆ ಅಂದರೆ ಸುಮಾರು ೧ ವಾರಗಳ ಮಟ್ಟಿಗೆ ೭೫೦ ಆಗಿರುತ್ತದೆ.ಅದೂ ಪ್ರಯಾಣಿಸುವ ೧೫ ದಿನಕ್ಕಿಂತ ಮುಂಚೆ ಟಿಕೆಟ್ ಕೊಂಡರೆ ಮಾತ್ರ..! ಆದರೆ ಹೊರಡಲು ೩-೪ ದಿನ ಮುಂಚೆ ಟಿಕೆಟ್ ಕೇಳಿದರೆ ಅದು ಸಿಗುವ ಬಗ್ಗೆ ಯಾವ ಖಾತ್ರಿಯೂ ಇರುವುದಿಲ್ಲ. ಸಿಕ್ಕರೂ ಅದೇ ಟಿಕೆಟ್ ಬೆಲೆ ೧೦೦೦, ೧೫೦೦ ಹೀಗೆ ಊಹೆಗೂ ತೋಚದಷ್ಟು ಏರಿರುತ್ತದೆ. ಹೀಗೆ ದರ ಏರಿಸುವ ಸಲುವಾಗೇ ಕೆಲವೊಮ್ಮೆ ಟಿಕೆಟ್ನ ಕೃತಕ ಅಭಾವ ಸೃಷ್ಟಿಯಾಗುತ್ತದೆ..! ಖಾಸಗೀ ಸಾರಿಗೆ ಸಂಸ್ಥೆಗಳಂತೂ ಬೆಲೆ ಏರಿಕೆ ಮತ್ತು ಟಿಕೆಟ್ ಅಭಾವಗಳಂತಹ ನಾಟಕಗಳಲ್ಲಿ ಮುಂಚೂಣಿಯಲ್ಲಿರುತ್ತವೆ.
ಅದೆಲ್ಲ ಏನೇ ಇರಲಿ, ತಾವು ಸುರಕ್ಷಿತವಾಗಿ ಮನೆಗೆ ತಲುಪಲಿ ಎಂಬುದೇ ಪ್ರತಿಯೊಬ್ಬ ಪ್ರಯಾಣಿಕನ ಮನದಾಳದ ಅಳಲಾಗಿದೆ.

ಇವೆಲ್ಲ ಈ ಸಂಜೆ ಉದ್ಯಾನನಗರಿಯಲ್ಲಿ ಕಂಡ ದೃಶ್ಯಗಳು. ಅಂದ ಹಾಗೆ ಬಸ್ಸಿನಲ್ಲಿ ಕಷ್ಟಪಟ್ಟು ಸೀಟುಹಿಡಿದವರಿಗೂ, ಸೀಟು ಸಿಗದೇ, ಬೇರೆ ಬಸ್ಸನ್ನೂ ಏರಲಾಗದೇ ನಿಂತೇ ಹೊರಟವರಿಗೂ, ಮುಂದಿನ ಬಸ್ಸಿಗಾಗಿ ಕಾಯುತ್ತಿರುವವರಿಗೂ, ಟಾಟಾ ಮಾಡಿ ಬೀಳ್ಕೊಡಲು ಬಂದವರಿಗೂ, ಸೀಟಿಲ್ಲ ರೈಟ್ ರೈಟ್ ಎನ್ನುವ ಕಂಡಕ್ಟರ್ ಗಳಿಗೂ, ಟ್ರಾಫಿಕ್ಕು ಸ್ವಲ್ಪ ಕ್ಲೀಯರಾಗಿದ್ದ ಕಂಡು ರಭಕ್ಕನೆ ಗಿಯರು ಬದಲಿಸಿದ ಡ್ರೈವರ್ ಗಳಿಗೂ…. ಮತ್ತು ನಿಮ್ಮೆಲ್ಲರಿಗೂ Wish You a Happy and Safe Journey… and also
…. WiSh YoU A HaPPy DEEPAVALI…..

— ರಾಘವೇಂದ್ರ ಹೆಗಡೆ.

About ರಾಘವೇಂದ್ರ ಹೆಗಡೆ

Kannadiga, Techie, Passionate Poet/ Writer, Amateur photographer, Nature lover etc... iBlogs @ https://raganouke.wordpress.com

Posted on 04/11/2010, in ಲೇಖನ, ವಿಶೇಷ and tagged , , . Bookmark the permalink. 4 Comments.

  1. Nice work u done…website is super..

    Like

  2. ದೀಪಾವಳಿಯ ಹಾರ್ದಿಕ ಶುಭಾಶಯಗಳು, ಮುಂಚಿತವಾಗಿ (೨೦೧೧,೨೬ ಅಕ್ಟೋಬರ್ ), ರಾಗನೌಕೆ ಹಾಗೂ ಕೆ.ಎಸ್.ಆರ್.ಟಿ.ಸಿ. ಬಸ್ಸಿನ ಪ್ರಯಾಣಿಕರಿಗೆ. (ಟಿಕೆಟ್ ಬುಕ್ ಬೇಕಾದರೆ ಈಗಲೇ ಮಾಡಿಕೊಳ್ಳಲಿ).

    Like

ಹೇಗಿದೆ ಹೇಳಿ!

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s