ಭಯೋತ್ಪಾದನೆ ಮತ್ತು ಬದುಕು ಎಂಬ ಪಳೆಯುಳಿಕೆ.!

ನೆತ್ತರ ಹೊಳೆಯಲ್ಲಿ ಮಿಂದೆದ್ದು ಬರುತ ಪಾತಕ ಶಕ್ತಿ
ಜಗವ ಕಟ್ಟುವ ಬದಲು ನಶಿಸಲು ಬಳಸುತಿದೆ
ತನ್ನ ಅಮೂಲ್ಯ ಯುಕ್ತಿ,
ವರ್ಷಗಳೇ ಉರುಳಾಯ್ತು, ಕಾಲಘಟ್ಟಗಳ ಏರಿಳಿತ ಕಂಡಾಯ್ತು,
ದುಷ್ಟ ಶಕ್ತಿ ನಿರ್ನಾಮವಾಯ್ತು ಎಂದುಕೊಳ್ಳುತ್ತಿರುವಂತೆ
ಮತ್ತೆ ಮೈಕೊಡವಿ ನಿಲ್ಲುವ ಈ ರಾಕ್ಷಸರು, ರಾಕ್ಷಸತ್ವವು..

ರಕ್ತ ಬೀಜಾಸುರರಂತೆ ಬೆಳೆಯುತ ಗಲ್ಲಿಗಲ್ಲಿಗಳ ನಡುವಲ್ಲಿ
ಮರೆಯಲ್ಲಿ ಕಾರ್ಯಾಚರಿಸುವ ಮಹಾಪಾತಕಿಗಳು, ಭಯೋತ್ಪಾದಕರು..
ಅಮಾಯಕರ ರಕ್ತ ಹೀರಿ ಬದುಕುತ, ದರ್ಪ ಪ್ರದರ್ಶಿಸುತ
ಕಾಲಪರ್ವದಿ ತಮ್ಮ ಪರ್ವದ ಕೆಟ್ಟ ಛಾಪೊತ್ತುತ
ಪ್ರಕೃತಿಗೇ ಸವಾಲೆಸೆವವರು..

ಬೆದರಿಸಿ ಕದ್ದೊಯ್ದು, ಗಾಯದಮೇಲೆ ಬರೆಯೆಳೆದಂತೆ
ಹೇಯ ಅಮಾನುಷವ ಪ್ರದರ್ಶಿಸುವವರು
ಪ್ರಚೋದನೆಯ ಪುಂಗಿಯೂದುತ ಕಾಲಸರ್ಪವ
ಬಡಿದೆಬ್ಬಿಸುವರು, ಬೆಚ್ಚಿಬೀಳಿಸುವರು.!

ಮನುಜ ಪಥದಿ ಹೊರಟ ಬಂಡಿಯ ಅಲಗುಗಳ
ಅಲುಗಿಸುತ, ದುಷ್ಟಸಾಮರ್ಥ್ಯ ಹಿಗ್ಗುತಿದೆ;
ವಿಕೃತ ನಗೆಯ ಬೀರುತಿದೆ..
ರಕ್ಷಣೆಗೆ ತುಕಡಿಗಳ ನಿರೀಕ್ಷೆ, ಆದರಿಲ್ಲಿ
ಜೀವದ ಬೆಲೆಯ ತಕಡಿಗಳಲ್ಲಿಟ್ಟು ಅಳೆವ ಪರೀಕ್ಷೆ !
ಇದು ಮನುಕುಲದ ಅಂತ್ಯದ ಕುರುಹೆ..?

ಬೇಡವೆಂದರೂ ಕರೆದವರಂತೆ ಮನದಿ ಬಂದಡಗುವ ಭಯ
ಧೈರ್ಯದಿ ದುಷ್ಟರನೆದುರಿಸಲು ಮುನ್ನುಗ್ಗಿದರೂ
ಒಂದರೆಕ್ಷಣ ಹಿಂಜರಿವ ಸ್ಥೈರ್ಯ
ಅತ್ತ ಜೀವತೆಗೆದು ತಾನೂ ಅವಸಾನ ಕಾಣುವ
ಪ್ರೇತಜಾತಿಯ ಜೀವ ಎಂಬ ಪಿಡುಗು..!

ಪೈಶಾಚಿಕತೆಯ ವಿಶ್ವಕೇ ತೆರೆದಿಡುತ
ಭಯವ ಮೂಡಿಸುತ ದಿನದಿನ
ರಕ್ತ ಬೀಜಾಸುರರಂತೆ ಹುಟ್ಟಿಬೆಳೆವ
“ಭಯೋತ್ಪಾದಕ” ಸಂಘಟನೆಗಳು..
ಇದು ಮನುಕುಲದ ಅಂತ್ಯದ ಕುರುಹೇ..?!

* * * *

ಒಮ್ಮೆ ನೆನಪಿಸಿಕೊಳ್ಳಿ. ಎರಡು ವರ್ಷಗಳ ಹಿಂದೆ ಇದೇ ದಿನ…
ಭಯೋತ್ಪಾದನೆಯ ವಿಕೃತ ಮುಖ ನಗೆ ಬೀರಿದ್ದು, ಮುಂಬೈ ಹೊತ್ತಿ ಹೊಗೆಯಾಗಿದ್ದು…!

ಅದೆಷ್ಟೋ ಅಮಾಯಕ ಜೀವಗಳ ಬಲಿ ಪಡೆದಿದ್ದು..

ವಿಪರ್ಯಾಸ ನೋಡಿ; ಜೀವಂತ ಸೆರೆಸಿಕ್ಕ ಒಬ್ಬನೇ ಒಬ್ಬ ಪಾತಕಿ ಜೈಲಿನಲ್ಲಿ ಇಂದಿಗೂ ರಾಜಾಥಿತ್ಯವ ಅನುಭವಿಸುತ್ತಿದ್ದಾನೆ.
ಅದೆಷ್ಟೋ ಕೋಟಿ ಕೇವಲ ಅವನಿಗಾಗೇ ವ್ಯಯಿಸಲಾಗಿದೆ. ಛೆ..!
* * * *

ಆ ಧಾಳಿಯಲ್ಲಿ ಮಡಿದವರೆಲ್ಲರ ಆತ್ಮಕ್ಕೆ ಶಾಂತಿ ಸಿಗಲಿ. ಮುಂದೆಂದೂ ಇಂತಹ ದುರ್ಘಟನೆ ಸಂಭವಿಸದಿರಲಿ. .

— ರಾಘವೇಂದ್ರ ಹೆಗಡೆ

ಚಿತ್ರ ಕೃಪೆ:
http://www.jeetscbce.wordpress.com
http://www.islandcrisis.net
http://www.srai.org
http://www.thehindu.com

About ರಾಘವೇಂದ್ರ ಹೆಗಡೆ

Kannadiga, Techie, Passionate Poet/ Writer, Amateur photographer, Nature lover etc... iBlogs @ https://raganouke.wordpress.com

Posted on 26/11/2010, in ಕಳಕಳಿ, ವಿಶೇಷ, ಹನಿಹರವು (ಕವಿತೆ) and tagged , , , , , , , , , , . Bookmark the permalink. 2 Comments.

  1. Pavan@ಕನ್ನಡ

    ಭಾರತೀಯ ಶಾಂತಿ,ಅಹಿಂಸೆ,ಪ್ರೀತಿ- ಒಲವಿನ ವಲಯಕ್ಕೆ ಭಯೋತ್ಪಾದಕರ ಮನೆಯಾದ ಪಾ(ಪಿ)ಕಿಸ್ತಾನವು ಬರಲಿ ಎಂಬ ಆಶಯದ ಕವಿತೆ ತುಂಬಾ ಚೆನ್ನಾಗಿದೆ .
    ಭಾರತಕ್ಕೆ ‘ಭಾರ’ವಾಗಿರುವ ಭಯೋತ್ಪಾದನೆಯನ್ನು ಈ ಜಗತ್ತಿನಿಂದ ಹೊಡೆದೋಡಿಸಲು ಎಲ್ಲರೂ ಯೋಧರಾಗಲಿಕ್ಕೆ ಈ ಎಚ್ಚರದ ಕವಿತೆ ಸ್ಪೂರ್ತಿಯಾಗಲಿ.

    Like

  2. e kavitheyali etta imge ala thumba arthapurkavagide i like it,astondu hakkigalu saha aa nara manavara daliendagi baliyagede andu 3rd imgaeali kanabahudu.

    Like

ಹೇಗಿದೆ ಹೇಳಿ!

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s