ಕರುನಾಡಿಗೊಂದು ನುಡಿ ನಮನ

ವಿವಿಧ ನಾದ ಸ್ವರಗಳ
ಬಗೆಯ ಗ್ರಂಥದ ಸೂತ್ರದ ಹಂದರ.
ಶುಭ್ರ ಭಾವಕೆ ಪುಣ್ಯ ಕಲಶ-ಕೋಶಕೆ
ನಿತ್ಯ ಅಶ್ರಯೀ ಮಂದಿರ.
ಮುಗಿಲೆಡೆ ಹಾರುವ ಕೀರ್ತಿ ಬಾನಾಡಿಗೆ
ಕನ್ನಡವೇ ಇಂಚರ..
ಕನ್ನಡವೇ ಸುಮಧುರ….
ಶಾಸ್ತ್ರೀಯ ಕಂಪ-ಶ್ರೀಗಂಧ ಲೇಪಿತ
ಸ್ವರ್ಣ-ಸಿರಿಗನ್ನಡ ನಾಡಿಗಿದೋ ನುಡಿ ನಮಸ್ಕಾರ.||

ವಿಶ್ವಶಾಂತಿ ಸಾಗರದ ಪುಟ್ಟ ಬಿಂದು.
ಕರ್ಮಕೊಟೆಯೊಳಗೆ ಪುಣ್ಯಭಾವಸಿoಧು.
ವಿಜ್ಞಾನ ನೀಲಾಂಜನದ ಕರ್ಪೂರ..
ಕ್ಷಮತೆಯ-ದಕ್ಷತೆಯ ಎ ಹಾರ,
ಜಗದ ಭೂಪಟಕೆ ಸಿಂಗಾರ.
ಶಾಸ್ತ್ರೀಯ ಸೊಗಡ-ಸಿರಿಚಂದನ
ಲೇಪಿತ ಸ್ವರ್ಣ ಸಿರಿಗನ್ನಡ
ನಾಡಿಗಿದೋ ನುಡಿ ನಮಸ್ಕಾರ.||

ತಂಪು ಕಂಪ ಬಯಲ ಆಲಯ.
ಸಹ್ಯಾದ್ರಿಮಡಿಲ ಪದುವಣತೀರದ
ಸಂಗಮ ವಲಯ..
ಭರತ ಖಂಡಕೆ ಸ್ಪೂರ್ತಿ ಚಿಲುಮೆಯ ಹೃದಯ.
ಜಗದ ಅಭ್ಯುದಯದ ಪಥದಲೊಂದು ದೀಪದ ಉದಯ..
ಶಾಸ್ರೀಯ ಗಂಧ,ಸಹಸ್ರ-ಕೋಟಿ ಜೀವಭಂಡಾರ-
ಸದ್ಭಾವಗುಡಿ ಈ ನಮ್ಮ
ಸಿರಿಗನ್ನಡ ನಾಡಿಗಿದೋ ನುಡಿ ನಮಸ್ಕಾರ.||

—- ರಚನೆ: ರಾಘವೇಂದ್ರ ಹೆಗಡೆ ಕತಗಾಲ.